藝人鍾欣潼（阿嬌）最近孖老公賴弘國拍攝內地節目《爸媽學前班》。
原來拍攝期間撞正佢哋拍拖一周年紀念，節目組就特別安排兩人喺倫敦街頭尋找愛情聖地，之後賴弘國仲為阿嬌製造驚喜添！
當日佢哋去咗搵電影《摘星奇緣》（Notting Hill）嘅拍攝場景，電影講述一位女明星同書店老闆嘅戀愛故事，令二人好有共鳴。
佢哋着住白色情侶裝喺倫敦街頭漫步，仲忍唔住話：「十分珍惜這樣難得的自由時光。」
除咗搵電影場景，賴弘國亦準備咗驚喜畀老婆。二人去到餐廳，賴弘國親自下廚煮愛心晚餐，搞到阿嬌勁冧豬。食緊嘢時，兩夫妻仲深情對望互冧：「一周年快樂。」
阿嬌喺餐後分享咗自己心聲：「感謝他一路以來的包容與接納。」節目尾聲，二人喺「星空小屋」齊齊許願：「不要把時間定格在這一刻，每天都要有新的進步。」
(on.cc)
