鄭中基(Ronald)昨日喺尖沙嘴舉行記招，宣佈相隔兩年再踏紅館，喺明年二月初舉行四場《鄭中基One More Time世界巡迴演唱會-香港站》，爸爸鄭東漢、太太余思敏及囝囝鄭梓仁都有到場支持。
演唱會由年卅晚至年初四，中間年初三休息一場，Ronald解釋上次一連唱足四場，最後一場時出現聲沙情況，所以今次會抖一場，若果門票銷售反應熱烈，Ronald指有機會再加開初五一場，甚至放棄休息唱埋初三晚。為咗打擊排隊黨，門票開售首日不設售票處售票，只供網上及電話購票，翌日先會恢復售票處售票。
訪問期間三歲大嘅囝囝梓仁從遠處跑來找Ronald，但佢竟然同囝囝Say Bye Bye，搞到囝囝即時爆喊跑回媽咪身邊，喊住話爸爸唔理自己。
佢即放低手上支咪走去氹番囝囝，之後就抱着囝囝繼續訪問，問到Evan可會像姐姐一樣上台唱歌，佢即用手掩嘴封口，而鄭中基稱仔仔不喜歡唱歌，反而愛打鼓、結他和跳舞。問到Evan和爸爸一齊跳舞好嗎？Evan即點頭，相當可愛。
大女會上台唱歌
提到相隔2年再次在農曆新年開騷，於年三十、初一、二及四，問為何不開初三，他笑言是赤口日，其實因上次連開4場時，第4場已聲沙，所以唱3場就要抖一抖。不過內部訂票已爆滿，他說：「有Plan C嘅，我哋訓練緊啲工作人員，搭台同拆台快啲，睇吓有冇多一日走棧囉。」他稱上次個唱後每個月都有入紙申請紅館都未成功，但今年農曆新年後入紙即成功，所以依然是新年檔期，而聽過不少人說農曆年非好檔期，因大部份人都會外遊度歲 ：「咁都要留個人招呼留港嘅人，就我嚟啦！」農曆年可以收利是？他說：「上次啲人以為我派利是，我今次係收利是。」講到大女會上台演唱？他謂：「係呀，上次佢上台唱咗2句，今次佢唱成首。（唱咩歌？）阿女揀，我都未練。」
唔敢再幫人訂飛
講到他為了阻擊黃牛，今次公開售票首日只限網上及電話買飛，售票處遲一日才有得買。他稱經上次經驗今次他不敢再幫人訂飛，並指已沒聽電話很久，但可以打給太太呢！講到政府有意立例杜絕黃牛黨，他說：「有留意到，都要嘅，因為我哋能做到是諗到歌迷唔使再買貴飛，同埋佢哋嘅安全，如果政府去搞就最好啦。」
(綜合報道)
