43歲人妻車婉婉同澳洲籍老公Jonathon結婚5年，上年3月28號，車婉婉以42歲高齡誕下囝囝BBQ，一家三口幸福滿瀉！
BBQ得來不易，婉婉自然就錫到仔仔燶。
昨日傍晚，婉婉喺社交網突然爆老公入院做手術。婉婉PO咗一張老公瞓在病床上嘅相片，不過只見到Jonathon嘅雙腳，已經換了病人褲嘅佢，由醫護人員幫忙穿上襪子，準備接受手術。
佢擔心留言：「突然病倒，突然要做手術，請大家為他祈禱，希望手術一切順利！」
網民紛紛留言打氣：「早日康復」、「求主保佑手術順利，賜平安給你。」
今年7月，婉婉在網上曬一家三口相片，留言：「昨天是獅子Q PaPa的生日，今年他決定不外出，在家做Homemade Pizza（吃過的朋友也非常期待）好讓BB可以分享PaPa的喜悅！Q PaPa造了Q MaMa最愛的Pizza－－蘑菇加mozzarella，快樂原本是簡單的。Q氏要從小教導BBQ在小事情上面得到快樂感恩，自己也要努力做好榜樣，祝Q PaPa生日快樂，身體健康。」
問到婉婉老公乜事？佢短訊回覆「醫生照顧中，有心。」再問佢老公乜病？佢都係話「唔講detail 啦！總之多謝各方好友關心。」
(綜合報道/Apple daily)
