就快「卸貨」的藝人吳日言（Yan），初為人母的她表示心情緊張。
曾發文，言語間充滿擔心：「這刻我依然想自然分娩，比起開刀媽媽，我心情實在太忐忑，感覺如同等候行刑，所以望下BB產品，可以讓我放鬆點。」
「佢哋個個都開刀，但自己就好似冇一個日子咁，感覺就只有等，會諗吓幾時會陣痛呢咁。之前去做按摩，啲按摩師都話我有啲崩緊，呢排情緒都係波動咗嘅。」
患妊娠糖尿的Yan在社交網上載和老公合照。
並留言：「之前做咗產檢，BB頭圍同肚圍都係正常周數，但係對腳就多咗兩周，姑娘話可能係遺傳，所以都係正常。我同老公當場笑咗出嚟，請問遺傳邊個呢？#我老公係高佬 #老公有懷疑 #腿長。」
Yan話老公有懷疑，但究竟懷疑咩呢？囡囡擁有一雙長腿，都唔知恨死幾多人！
(facebook / 綜合報道)
