周汶錡(Kathy)有兩個仔仔，一個3歲大、一個20個月大。Kathy之前提過兩個囝囝都開始返學，細仔喜歡返學，好動同鍾意游水，反而大仔Jacques開初不太願意上堂，比較斯文，還未融入到校園生活。
模特兒劉雯、周汶錡及王賢誌等，噚晚去咗尖沙嘴出席時裝品牌活動。
Kathy話：「因為我想佢學廣東話，Jacques讀全廣東話學校，所以佢未係好同到同學仔溝通。不過佢嘅廣東話進步咗好多，我之前飛咗去外地兩個星期，佢識講多咗好多嘢，仲識唱唔少學校嘅中文歌，都叫有啲成績。」
「我喺屋企都會同佢講廣東話，佢同爹哋就會講英文，我想佢讀本地小學，識聽識寫中文，到佢讀中學嘅時候再自己選擇。」
劉雯話今次只會喺香港逗留兩日，不過仍然會爭取空檔時間去食點心，嘆叉燒飽，劉雯話：「食完美食後，好好工作便是健身一種，很多人都愛美食，多健身就好了。」劉雯仲話為咗應付行騷，每星期會做5天健身，就算冇時間都會做簡單拉筋運動：「除了肉體，展現時代女性態度及自信也很重要。」
(apple daily)
