藝人洪卓立（Ken）與湯怡日前突然在社交網宣布分手，結束11年情。
今日Ken首度現身，出席英皇鐘錶活動，他與歌手泳兒及許靖韻傍實見傳媒，雖然大受情傷的Ken收起哀傷神情，不過他仍強擠出笑容，紳士地讓泳兒及許靖韻翹住雙手，表現敬業！
他亦有向現場記者揮手示好，又停低畀記者影相。
強顏歡笑嘅佢再次出場時，明顯心不在焉，當佢喺台上聽住好友泳兒同許靖韻講解拍賣物品時，佢個樣都睇得出若有所思，雖然佢都有露出笑容，不過就似乎未能投入活動。
到佢講解自己嘅拍賣時，佢拎出一件早前與歌手吳浩康（Deep）在麥花臣場館開騷時着過嘅披肩，及一件藍色西裝外套。講到件披肩，Ken笑言保可以平安，又與主持人阿Bob（林盛斌）有講有笑，表現自然：「呢個勁呀！佢保我家宅平安！本身我都唔係唱得咁好，不過一戴咗佢就唱得好好。我估戴咗佢嘅朋友都可以保佢一世平安！」
其實開騷時，Ken喺台上忽然有所顧忌未有多謝「女友」湯怡，當時已令不少人懷疑二人關係是否有變，未幾二人就在社交網宣布分手。今次拍賣出披肩，唔知會唔會係怕睹物思人而快快手轉讓呢？
(on.cc)
