神一般的男人黃子華自從做完棟篤笑後甚少公開露面，日前就難得現身農夫演唱會，今次佢就喺網上見大家。
蘇永康喺Instagram上載大合照，有佢一家同杜德偉一家，原來佢哋同子華神飯敍，不過蘇永康就大爆囝囝Jazz畀「契爺」子華嚇到爆喊，原來係佢個頭累事呀！
蘇永康留言：「Jazz見到契爺啲頭髮變咗白色當堂嚇到喊😩!! 又話家常便飯點知又鮑魚又紅酒又甜品又盛⋯談天說地傾到午夜先走，其實真正老友使乜成日見？內心經常存在彼此方能長久，感恩❤️🙏」
唔知子華用咩招數氹番Jazz呢？
(on.cc)
【因為…】蘇永康：Jazz當堂嚇到喊
