藝人陳瀅在鑽石山荷里活廣場出席頭髮乾洗產品活動。身為女神的陳瀅原來不喜歡洗頭，她表示今早出席活動前洗了頭，但再對上一次洗頭已經是六日前，笑說：「依家拍緊兩套劇，已經冇時間休息，所以會放棄洗頭，沖涼可以好快，2分鐘搞掂，但係洗完頭又要吹頭，要半個鐘頭以上先可以瞓到覺，所以我情願瞓多啲。」
現時忙於拍攝劇集《廉政行動2019》與《黃金有罪》的她指今年聖誕未能返溫哥華過節，希望明年一月能回去探望家人。
陳瀅透露最高紀錄是冬天到莫斯科拍攝節目時十多天沒有洗頭，因當地天寒地凍不會黐立立，平時也平均三日洗一次頭，她笑說：「自己唔係油性頭髮，咁樣可以保持住頭髮嘅天然油份，唔會令頭髮好乾，對我嚟講係適合。」
問到經常不洗頭會否嚇親男士？她笑說：「男仔唔知嘅，但係有次影相，蔡思貝企喺我後邊聞到有陣味，佢問『陳瀅你幾耐冇洗頭』，嗰張相影出嚟佢個樣都怪怪地，哈哈。」
（on.cc）
