藝人鄧健泓（Patrick）、石詠莉（Sukie）「夫妻檔」孖王宗堯（Gregory）現身深水埗為主演網劇宣傳。
講到網劇是圍繞公屋的擠擁生活，Patrick感嘆指故事背後帶出的訊息好可悲：「我哋本身應有嘅權利、空間，竟然需要好努力咁去競爭、爭奪先有，不過香港人係打不死嘅！」他於劇中與Sukie同樣演兩公婆，問到下次再合作依舊演夫妻？他抵死笑話想演仇人，因為可以嗌交：「私底下好少嗌，一年都係得3、4次。」
問到可曾住過公屋？他們都指小時候有，其中Sukie話試過4個人住200呎地方，又因為是水上人，亦曾經住過船。三人更表示一直心有「移民夢」，Patrick及Sukie就話最想移民去馬來西亞，問到若移民後會否難兼顧工作？Patrick笑話現今科技發達冇阻礙：「開間Studio就得，依家交通又咁方便，做慣『空中飛人』。（咁遲啲生BB呢？）就梗係走咗先有啦！」Sukie就話最近空氣污染指數極高，搞到鼻敏感發作，引起嚴重耳水不平衡。至於問到Gregory可會想重返台灣？他表示不會：「當地環境比香港更差，但又未諗到想去邊。」
受訪時Gregory就急不及待爆料：「我哋公司好旺！」暗指公司前同事胡杏兒被傳再有喜一事，記者即追問：「杏兒真係有咗？」
他才反應過來說：「傳呀嘛！」嚇得身旁的Patrick笑對方：「你差啲瀨嘢！」之後三人繼續補鑊：「如果真係有咗就恭喜佢！」場面既尷尬又搞笑！大家就要等待杏兒來宣佈了~
（on.cc）
