問到為何未有預好姊妹蔡少芬（Ada）和洪欣一齊做老闆？朱茵就話：「本來都拉埋佢哋落水，但佢哋太忙喇。」法蓉謂：「我哋比較貪靚啲，鍾意搞護膚品，而Ada都有搞童裝。」
藝人朱茵和陳法蓉為自創護膚品牌舉行晚宴，兩人稱品牌已創立一年。
身為母親的朱茵笑言:「童裝其實我都啱，有時轉下型，喺另外一啲位攞下滿足感。」問到可有時間打理生意？兩人稱都會互補不足，加上有強大團隊幫手，所以都好放心。她們都稱都沒有刻意去計投資了多少錢，因為生意仍在發展中。朱茵又指老公黃貫中（Paul）都好支持：「我覺得做人應該有多方面發展，有時幕前亦要試吓幕後，同想做嘅嘢。」
另外，朱茵女兒明年升小一，她稱這幾個月都好忙，暫時以阿女的時間表行先，亦有陪她到學校面試。
問到阿Paul可習慣？她笑言：「冇得慣唔慣。我哋都係一般家長，全香港所有家長面對嘅，我哋都要面對，但係只能夠嘆一句，做香港小朋友係辛苦，同自己細個時比係有段距離。」佢另外仲講到阿女把口好甜，甜死佢同Paul，只要佢講一句，乜都冧晒。
(on.cc)
