歌手蘇永康與圈外女友Anita於2014年結婚，去年更喜添愛子蘇展弘（Jazz），一家三口幸福美滿！
升呢做爸爸嘅蘇永康時不時都會喺社交網Post囝囝嘅成長點滴，有仔萬事足！
自從有咗仔仔之後，蘇永康就變得好黐家，甚少去「應酬」，甚至試過想改機票，即刻飛返屋企見仔仔！真係超Sweet啊~
呢日佢就喺社交網分享咗一段佢餵囝囝蘇展弘（Jazz）食嘢片，見到Jazz食得好開心，之後又戴上副黑框眼鏡，絕對萌爆！
蘇永康話：「有人說年紀越（愈）大電話裏面嘅號碼會愈來愈少！在下絕對同意，現階段的我除了工作和少數交心朋友之外，我只願意花時間在我孩子身上⋯我並不在乎你是否需要上名校，我只希望我的孩子能夠健康快樂地成長。」
網民都大讚蘇永康係好爸爸，仲話相信佢做完嘢幾辛苦都好，一見到仔仔個心都立即融晒喇！
(綜合報道/on.cc)
