藝人楊卓娜（Lenna）今個月10號度過41歲生日，Sweet到爆嘅老公就為佢開咗個生日派對！
佢將派對相片放上微博分享，不過卓娜只係畀細女出鏡，其他親友就被emoji遮樣變成豬同狗，不過妹夫羅仲謙就憑住一身爆肌身形突圍而出，網民又估邊個先係楊怡，非常搞笑！
而現場就布滿色彩繽紛嘅氣球，除咗有Lenna英文字母氣球，仲有印有佢靚相嘅氣球，相當精緻。
卓娜仲冧爆晒鮮花，相信一定係老公送㗎喇，留言：「好開心的一個生日Party！多謝我的家人及朋友為我慶生！也謝謝大家的祝福！」
網民除咗送上祝福，仲大讚佢Keep得好好，一啲都唔似41歲，仲好有少女味呀！
(on.cc)
