【破例一次】黃心美都係忍唔住：我嘅淚線仍然崩壞

黃心穎係家中孻女，佢上有三個靚女家姐，分別係喺Viu TV做主播嘅大家姐黃心美、二家姐黃心妙同三家姐黃心慧，黃家四朵金花好錫父母，成日溫馨家庭樂。

黃心穎噚晚貼咗同三家姐黃心慧慶生相，佢留言：「簡簡單單、健康就好！生日快樂三家姐！??」

見到相中榮升人妻嘅心慧容光煥發，大家姐黃心美亦都喺度，心穎攬實爸爸齊齊合照，雖然就差二家姐黃心妙同媽咪，但一樣咁溫馨呀！黃爸爸見到三個囡囡事業好，生活都好，當然好安慰，笑到見牙唔見眼。相中仲見到孻女黃心穎從後搭住爹哋，父女兩手捉到實。網民仲搞笑話相中亦未見馬國明，唔通佢又係揸機嗰個？

黃家姊妹出身於中醫世家，黃爸爸黃沛霖行醫多年，全家95年移民加拿大，近年先陸續回流返港。四姊妹從小相處融洽，黃心穎曾自爆佢哋姊妹之間也有鬧交，同時又會互訴心事，排行最尾嘅黃心穎最得寵，名副其實孻女孻心肝，佢話屋企人會親暱叫佢「小B」。