「壽星女」楊卓娜於正日生日出席慈善義賣活動，她表示此舉別具意義：「會呼籲啲人嚟買嘢，自己亦會買。（會唔會同阿女一齊做慈善？）都會呀！但要就番佢啲返學時間。」其後續爆9歲囡囡好學程度達「變態」級數：「佢寧願返興趣班都唔會去生日會嗰啲Party。」
問到今晚會如何慶祝？卓娜冧笑指老公有幫她搞生日Party，更親自用氣球布置場地，會邀請家人、妹妹楊怡、妹夫羅仲謙、甚至妹夫一家出席，非常熱鬧！講到生日禮物，她表示本來妹妹夾埋老公送手袋，不過都被她婉拒，因為唔想嘥錢。問到生日願望？卓娜希望全家都身體健康，並希望能於戲劇上嘗試更多角色、拍更多廣告。 
講到有報道指楊怡想生B，但因脊椎問題搞到遲遲未有好消息，卓娜指妹妹好少主動同自己講身體情況…
對於有傳楊怡懷孕，姐姐曾回應傳媒 (相關新聞：https://goo.gl/4vkgd)
「都知佢成日都呢度痛、嗰度痛嘅，係因為佢之前拍古裝戲成日戴頭套，搞到肩同頸都有受傷，今晚會關心吓佢。（佢有同你講過想要BB？）咁我都想佢快啲有BB，相信佢都係。（佢有問你生B貼士？）冇呀，佢同媽咪住，相信媽咪都會照顧好佢，BB都係一個緣分，隨緣啦！最緊要身體健康，開開心心。」
希望羅生羅太快點有好消息！
(綜合報道 / on.cc)
