藝人朱晨麗（朱朱）今日出席台慶劇《兄弟》的宣傳活動，問到可會擔心新劇會與剛播畢的《跳躍生命線》有比較？
她笑言不怕，指希望可以承接《跳》的好收視、再創佳績，又信心爆棚地預告《兄》首集就能吸引觀眾：「故仔、畫面感都唔同，拍出嚟好有電影嘅感覺。」
講到《跳》的主角之一正是緋聞男友何廣沛，朱朱怕醜話自己都有日日收看，大讚劇中有好多貼地情節。
而自己最鍾意的是羅蘭與陳瀅的「嫲孫情」，更自爆是真實版「滿月」，同樣面對嫲嫲患癌情況，更一度講到眼濕濕…
「嫲嫲都係同羅蘭姐差唔多大，所以一到嗰啲情節就喊到不得了，咁媽咪都喺隔籬睇，唔想太投入就會去扮拖地、扮做家務，但心入面係好痛苦、好掙扎。希望佢順順利利、身體健康，佢依家住喺蘇州，有時候都希望多啲返去陪佢傾偈。」
問有否同何廣沛傾心事？朱朱即笑言沒有，因為大家都忙。
（on.cc）
