無綫大熱劇《跳躍生命線》琴晚終於都大結局，之前預告張曦雯同馬德鐘決定喺埋一齊，點知就發生意外，張曦雯撞車，馬德鐘喊得好慘，唔通佢真係天煞孤星入命，死完第一任老婆李佳芯又要死埋情人張曦雯？
第一任老婆撞車身亡
馬德鐘見到情人有同樣下場，當然非常傷心！
痛哭中！
正當大家都以為結局係悲劇收場時，結局就係已經心臟停止跳動嘅張曦雯，因為「拉撒路症候群」（文末有解釋）再次重生大團圓結局！
除咗佢哋之外，何廣沛同劉佩玥、羅天宇同陳瀅、歐瑞偉同張文慈，仲有李成昌同謝雪心都可以雙雙對對咁係埋一齊，網民睇完留言話呢套劇死得人多好沉重，有個Happy Ending可以中和番。
而張國強飾演嘅「魯賓遜」，失咗憶兼攞住部相機周圍影嘢究竟有乜用意呢？原來係佢最後有番記憶，用佢影嘅相去交待番眾人嘅經歷。
網民話呢個手法好創新，大讚《跳躍生命線》絕對係誠意之作，希望拍續集咁話！
而最後竟然彩蛋位，見到《愛．回家之開心速遞》嘅「Terry」李偉健亂入，仲咁啱去咗同一間救護站做咗歐瑞偉下屬，有網民搞笑話李偉健會唔會「Terry」上身喺《跳》劇入面叫歐瑞偉做「舅父」呢？
對於《跳》劇被指死得人多，25集中歷9次生離死別。馬神被揶揄係「天煞孤星」，佢就話：「始終套劇係救護員主題，好難避免生離死別，正好畀我哋反思，要珍惜眼前人。有時我哋太忙，忽略咗最親嘅人，呢套劇就帶出咗呢個訊息，溫暖人心。」
馬神話多謝觀眾一直由開播支持至今，佢話：「多謝大家一直支持！其實當中古仔都有苦中一點甜，係好多意外，但何廣沛嗰段都好有親情。我個角色，最初交代太太死咗，我都屈咗十年，好難得遇上咁好女朋友Kelly（張曦雯），佢又車禍生死未卜，個天咁攞命，真係好難預測。」想唔想套劇開續集？馬神話：「呢套劇反應同收視都唔差，公司不妨考慮開續集，仲有好多題材可以發掘。」
拉撒路症候群（Lazarus syndrome）是指在心肺復甦失敗之後人體循環系統自發地恢復運作。其主要原因是在心肺復甦過程中胸腔內累積了壓力，在心肺復甦結束後這些壓力的釋放導致心臟的擴張，從竇房結出來的電脈衝觸發了心臟的跳動。現時醫學文獻中至少有50次記載。
相關新聞：
【網民超驚訝】羅天宇陳瀅突晒婚照！ https://goo.gl/iaqpqb
【最近被起底】《跳躍生命線》女主角張曦雯：我都只係普通人 https://goo.gl/UL63in
【暗示…】《跳躍生命線》張曦雯突上載黑白照 https://goo.gl/2sgBqz
【日日睇《跳躍》安胎】結束18年愛情長跑：以後也要一起陪寳寶成長 https://goo.gl/3WKNd1
【救護員撈過界 笑翻54萬網民】《跳躍生命線》四子惡搞F4《流星雨》https://goo.gl/EWRZh5
【緊張之餘…】馬德鐘爆《跳躍生命線》結局！？ https://goo.gl/t29RN4
【劇中意外殉職】《跳躍生命線》雄姐戲外亦不幸出意外 https://goo.gl/x57gGy
【演技大爆發】張文慈憑《跳躍生命線》獲網民激讚力撐 https://goo.gl/uU5PVL
【網民嘆改邪歸正】鄭子誠憑《跳躍生命線》成功洗底 https://goo.gl/Bq385b
（綜合報道 / apple daily）
