藝人黃日華女兒黃芷晴出席婚紗店活動，穿上性感低胸兼露背婚紗大騷事業線。
婚紗幾性感，有少少低胸同露背，好多記者都讚佢好fit！佢就歸功於條裙：「係呀，條裙靚，cutting好好，全身修身，好啱自己。」
問到黃芷晴有冇睇定啲婚紗？有冇同男朋友傾過幾時結婚？佢就話仲等緊：「睇番男仔喇，都未求婚，希望自己都可以睇定婚紗。其實我都着過7、8次婚紗影雜誌相，但行騷都係第一次，如果要揀婚紗，唔會理男朋友，因為有朋友試過俾未婚夫控制住。」
問到是否等母親健康穩定才計畫和圈外男友結婚？黃芷晴謂：「都係，怕自己Handle唔到，結婚係一個好難嘅課題，朋友叫我諗清楚，唔係搞一個wedding party咁簡單。」講到日前黃日華在活動上訪問時開綠燈允許她結婚，芷晴笑言：「佢幾時講㗎？咁順攤嘅，但都未求婚，父母呢方面一向畀我好大自由度。」
黃日華太太梁潔華2013年患上「急性骨髓性白血病」，日前有報道指媽媽梁潔華舊病復發，經常出入醫院。（相關新聞：https://goo.gl/t9HVdK）
對母親梁潔華疑壞血病復發一事，芷晴回應說：「佢係去覆診啫，因為佢血指數畀平常人冇咁穩定，所以每星期都要去診所檢查1至2次，情況穩定嘅，只係佢抵抗力低於平常人，所以留喺屋企休息，可能做大戲班朋友見佢冇做兩個大騷，擔心佢有咩事啫。」
芷晴稱母親的血病過5年就會入穩定期，現都差不多5年了。希望黃媽媽早日康復！
(綜合報道 / on.cc / apple daily)
