早前宣佈懷孕的名模樂基兒在港出席慶祝活動，懷有4個月身孕的她身穿白色裙、兩吋高斗零踭的長BOOTS亮相。她表示得知成功懷孕後好開心，但亦有點緊張，她透露希望生女，但又指小朋友性別無所謂，最重要小朋友身體健康，但要下星期才知小朋友性別，預產期為明年四月尾左右。
問到害喜是否嚴重，她表示：「都冇咩，初初有少少，不過依家都有啲頭痛，其實已經飲好多水。重咗2.5KG，唔知點解自己好似肥咗好多、老咗。」她表示得知有孕後很感恩：「人生旅程唔同咗，好似MAGICAL JOURNEY。得知有孕同丈夫都好興奮，因為已經試咗一段時間，唔係意外（懷孕）。其實夏天開始造人，早睡早起，吃食物吃清啲，酒都飲少咗。」
拿著酒杯喝水~
對於前夫黎明不回應她有小朋友的新聞… (相關新聞：https://goo.gl/Tt2dN3)
她說：「IT’S FINE，唔可以EXPECT每個人都會回應人哋嘅嘢。（會否交流湊B心得？）自己之前上咗產前護理，學到兩點NO，家長之間唔可以比較，亦唔會問其他人意見。見到鞋靚會問人邊度買，但唔會問人點照顧小朋友。」
至於會在香港定美國生產，她說「未定，想自然分娩，但睇完啲片想水生，覺得好似舒服啲，但一切未定。（雙胞胎？） 雖然未知仔定女，但肯定係SINGLE BABY。（你台上指想生女？）係呀，女仔會同我親近啲，可以一齊扮靚。（老公呢？）佢冇講，只想小朋友健康。（老公獎勵？）佢精神上好支持我，呢樣好重要。（再生？）一步一步來。」（水中生B: https://goo.gl/pBJhVy）
曾經隆胸又拆彈的她，被問到會否影響餵母乳？她說：「唔會，過咗咁耐，依家科技咁昌明，唔會怕影響，不過都未生，未知有冇（奶水）。」
（綜合報道 / on.cc）
