現年44歲嘅森美最近又拍劇喇，連日都為新劇《過街英雄》開工嘅佢尋晚就喺中環拍攝，仲拎住盒牛腩飯自拍，佢話：「有咁嘅背景 真係食景都值回票價！」
點知大家都將重點放咗喺佢個樣到，事關年過40嘅佢皮光肉滑，皺紋都唔多條，連「豹嫂」胡蓓蔚都好葡萄，留言問佢：「請問用咩護膚品？」
仲有好多網民話佢：「多咗啦」、「請問用咩美肌軟件」、「P圖過度喎😝😝」被網友洗版「圍攻」嘅佢，忍唔住反擊話：「你睇咗啲牛腩咁多紋都知我冇p圖啦！」
而今朝佢喺電台開咪時都話畀豹嫂問一問，自己都驚一驚，睇吓啲牛腩有冇紋先！
(on.cc)
