台灣女星陳妍希喺2016年與內地男星陳曉結婚，同年誕下仔仔小星星。
近日有網民爆料，指喺馬爾代夫偶遇到佢哋兩公婆，仲曬相為證！
相中，陳曉着上白色西裝坐喺海邊台上，而陳妍希就着上白色簡約婚紗，甜蜜靠喺老公膊頭，疑去咗重影婚照。
見到做開幕前嘅佢哋，擺起甫士上嚟十分純熟，期間陳妍希仲不時用手輕撫老公塊面，Sweet到爆！
陳妍希喺2015年受訪時曾講過，自己理想中嘅婚禮係喺海邊，但隔年結婚時卻揀喺北京雁栖湖島搞，如今佢哋兩公婆結婚已有兩年，今次去海邊影相，網友都估係要完成陳妍希嘅心願！
網民紛紛留言：「好羨慕呀」、「是愛情呀」、「王子與公主」、「結婚兩年，孩子都快兩歲了，還肯再去補拍婚紗照」、「真是絕種好男人！」
(on.cc)
