藝人吳若希（Jinny）去年4月誕下囡囡淼淼，Jinny早前表示有意再追多個，但就講笑話老公Alex唔合作。
婚後育有一女，囡囡依家已經一歲幾。
Jinny時不時都會喺社交網同老公放下閃，PO下囡囡嘅得意相，分享湊女日常！
呢日唔係佢PO相，而係譚嘉儀！
譚嘉儀突然晒出一張大合照，相中見佢同菊梓喬（Hana）、林穎彤（Bella）、戴祖儀齊齊用手摸住Jinny肚仔，仲留言話：「恭喜恭喜！恭喜Jinny🎊」唔通Jinny願望成真，成功追多個B！？
但其實仲未完！譚嘉儀留言：「恭喜恭喜！！恭喜Jinny🎊…………修（收）身成功 大家唔好誤會 #唔知邊個提出影張咁嘅相呢 #係咪驚喜左（咗）一秒呢？」
原來佢哋只係恭喜Jinny收身成功，擺出個咁惹人誤會嘅動作，認真大整蠱！
(綜合報道/on.cc)
