前英皇小花何嘉莉（Lillian）早前宣佈懷有第三胎，現時佗B四個月嘅佢，上半年其實一直被婦女病纏繞，所以完全冇諗過自己會再度懷孕。
不過，今日佢喺社交網PO咗張影住一包藥丸嘅相。
佢留言話：「 One, two, three, four，加油加油。早個星期產檢的樣本化驗中，不幸發現感染了B型鏈球菌，由於前兩胎都沒有這個病菌，所以知道後都非常擔心，護士小姐也叮囑我不要亂看網路資料，免得自己恐慌，跟醫生了解過後才明白多一點點。它是一種常見寄存在人類腸道、泌尿和生殖系統的細菌，受B型鏈球菌寄存的孕婦，一般健康情況良好，並沒有任何病徵，但對於沒有免疫力的初生嬰兒，就比較致命。注意，一般政府醫院篩查是在妊娠晚期約35-37周進行，但私家醫生會分三段期間作三次篩檢，因為如果懷孕期間細菌入侵胎兒的話，便可引致早產。其實很多二十多週（周）早產引致死亡的個案中，這個寄存細菌也是原因之一啊，所以呢⋯⋯ 各位媽媽也要多加注意了！」
佢提醒佗緊BB嘅媽媽都要留意，盡早檢驗會安心啲！佢仲話因為自己依家有B型鏈球菌，所以醫生建議佢要一直食抗生素，食到「直到生產為止」，一日食四次藥。
但係佢依家要同時湊小朋友，好多時都會唔記得咗食藥，直到餵飽小朋友以後又唔記得咗要空肚食藥，惟有在半夜起身食藥，希望一切平安。
不少網民都留言送上祝福，希望媽媽同BB都健健康康，仲叫佢要跟足醫生指示！
(綜合報道)
