【洗米華就…】洗米嫂孖囡囡去日本慶祝

    太陽娛樂揸弗人周焯華(洗米華)同Mandy Lieu爆出婚外情後,正印陳慧玲(Heidi)幾乎同佢離婚,不過最後都勸掂老婆唔離婚,二人關係都明顯改善咗好多。。。

     

    今日係陳慧玲(洗米嫂)38歲生日,洗米嫂喺IG曬咗張捧住蛋糕嘅相,見到洗米嫂笑得咁開心,網民都紛紛留言送上祝福,希望佢身體健康,幸福美滿。

    睇番洗米嫂嘅IG,佢四日前PO咗3歲細女周善潼嘅可愛相。


    嘟哂嘴賣萌超得意!

    仲PO咗過山車、神戶牛等嘅相。

    相信洗米嫂帶埋囡囡去日本慶祝,不過唔知洗米華係咪都有份去呢?慶生相又會唔會係由洗米華操刀影呢?

    左右逢源嘅洗米華既有正印Heidi,亦有為佢生咗兩女一子嘅情人Mandy Lieu,每逢過年過節都要分身慶祝。

    之前有媒體影過佢一個人喺英國坐飛機返嚟,相信係佢專登飛到當地,同Mandy生嘅囡囡提早慶祝生日然後返港同細女羨潼一齊慶祝生日,真係好忙。

    不過話晒今日係老婆牛一,洗米華應該會陪老婆度過。

    (Apple daily)

    SHARE