陳小春同應采兒於2010年拉埋天窗，結婚咁多年都仲係咁恩愛！
二人婚後育有一子Jasper，陳小春早前同Jasper上大陸真人騷《爸爸去哪兒》，又時不時同老婆放下閃咁，成家人氣急升！
在《爸爸去哪兒》節目中，Jasper乖巧懂事的性格深得不少網民喜愛。
陳小春同應采兒呢對夫妻率直又霸氣，偏偏有個超萌嘅仔仔，仲係一個小暖男！連應采兒都曾經講笑咁話：「不這樣，他（Jasper）能活到現在嗎？」
雖然兩夫妻成日都吵吵鬧鬧，但喺教仔仔方面簡直用盡心思，特別係應采兒。其實佢係一個好有原則嘅媽媽！
應采兒喺《妻子的浪漫旅行》中，當佢見到旅伴拎咗一堆食物但又冇食哂，佢就忍唔住話：「吃多少拿多少好不好，妳這樣子是我兒子會被我打一頓。」由此可見佢教導Jasper時幾咁用心，喺生活細節上都會對小朋友有要求。
除咗要「拎幾多食幾多」之外，應采兒仲有三招：
包括冇特別事唔可以用IPAD、食嘢唔可以有聲音、每日瞓覺前要有閱讀嘅習慣。
呢啲全部都引起媽媽們嘅共鳴，因為依家科技發達，小朋友從小就對住智能電話、電腦等電子產品，好易細細個就有近視。而食飯唔可以有聲音係有禮貌嘅表現；而培養好嘅閱讀習慣可以令學習事半功倍。
之前Jasper升小一嘅時候應采兒都有PO文，希望仔仔可以選擇自己嘅人生。
(綜合報道)
