她接受訪問時，坦言自從97年後，一直都無感情生活：「朋友其實都有介紹，但個個都話我強。我本來係隻波斯貓，但個樣生到似獅子我都冇辦法。（有冇遇過錯過咗嘅感情？）二十年前同個男仔拍拖一星期，佢身邊朋友同佢講：你女朋友好索喎！原來睇過我寫真。男仔個心就覺得唔舒服，講咗啲頗爲難聽說話，最後係我飛佢嘅。」
她又提及到自己三十多歲時，曾於旺角睇相：「果個相士果排好紅，就算係細批都收5萬。佢就話我要等到60幾歲先至遇到，但對方係好好嘅，跟住我生活好逍遙，身邊又有個伴。當時我聽到，跟住就去咗附近公園到係咁喊，心諗仲要等咁耐喎！（咁佢批啲嘢中唔中？）都準，好彩仲有幾年咋。」
問到她的擇偶條件，她即澄清：「唔駛有錢，係一個好人就得，即使有個大肚腩有臭狐又點？或者你聞到覺得係臭，但我覺得係香呢？以前試過，只係遇到嘅對象都係話我強。」
現年58嵗影后惠英紅早前授勳，獲特首林鄭月娥頒發銅紫荊星章，恭喜恭喜！
於電影界和演藝界甚有貢獻，曾奪多個香港及國際性影后殊榮。最令人印象深刻的是，當時只有22嵗的她於第一届香港電影金像獎奪得最佳女主角，可見這位自言「個樣似獅子」的她前途非凡！
奪金馬影后
經理人公司英皇娛樂老闆楊受成當天晚上特意為她於銅鑼灣出席授勳慶功。
公司一眾高層包括霍汶希亦有現身。58歲的惠英紅接受訪問時坦言：「我嘅人生算係咁喇……
（下一步想做咩？）結婚囉！」希望紅姐真的如相士所言，最終找到如意郎君，與他一起生活和分享喜悅。
（綜合報道）
