藝人陳智燊（Jason）今日到電台接受訪問。他表示現正拍攝新加坡綜藝節目，主題為介紹香港，更有機會拍劇：「有啲網上，或者電視台，可以試下。」不知道是否會娘家TVB拍劇呢？
他亦不排除重返無綫拍劇：「離開咗唔係好長時間，但同佢哋嘅關係都好好，就算唔係同無綫有合約，都仲可以合作。」
年頭參與《三個女人一個因》宣傳活動，坦言不介意再與無綫合作拍劇。
他笑言囝囝出世後頭兩、三個星期自己好唔想返工：「每朝起身就抱佢，抱到差唔多遲到先去返工，依家自己就聽話啲，寧願放工返嚟慢慢抱。」
囝囝現時已經兩個月大，問可會搞百日宴？他表示：「想呀，但因為時間好緊，因為囝囝每日有幾個鐘玩，中間又要食嘢同瞓覺，所以帶佢出去食飯都驚好難兼顧，要就地方、人數、佢嘅狀態，但我哋都想同大家食餐飯。」
經過兩個月的磨練，陳智燊對於湊B無難度，已經好熟手。記者就提議可以拍「BB來了」題材的電視劇，他說：「可以呀，都算熟手，換片、沖涼都得，瞓覺時都會睇住個mon睇佢瞓成點。」當被指是個緊張爸爸時，他尷尬回答：「都係。（你定老婆宋熙年緊張啲？）佢比較清楚啲，因為佢由佗BB到依家都不停上網睇資料，所以應該我緊張啲。」
（綜合報道 / on.cc）
