結婚冇耐就造人成功報喜，仲影咗輯靚靚孕照！佢留言：「終於可以安心同大家講啦：我懷孕了！，今天去照了結構，清楚地見到BB的眼耳口鼻、手仔腳仔、脊骨、器官…醫生話BB陀得好靚，好健康！感恩一切都正常，這是我和Adrian聽到最開心最感動的消息，謝謝各位的祝福，我會定期報告我嘅近況㗎啦！」
今年4月嫁圈外老公何駿杰（Adrian)。
但係張珮汶（Grace，前名張家瑩）啱啱就話自己連街都唔出得，原來係為咗BB可以健健康康出世：「BB最近真係大咗好多呀，胎水也愈來愈多，所以宮頸壓力也相對重咗！為了BB足月出世，未來五個月我要聽話乖乖在家好好休息了，大部分時間都要躺着或坐着，如果一定要出街也只能點到點。
老公影低我這個樣子安慰我説：『你這樣好看，懷孕媽媽真美⋯⋯』我對老公說：『其實懷孕真的很累呢，但這是我們的孩子，我一定要堅持下去的』」
依家懷孕21週嘅佢胃口好好，之前先同老公去咗美食節，不過就唔係樣樣都食得，要忍下口啦。佢喺IG留言：「今晚不能Wine只能Dine，見人哋飲得好開心，勁葡萄！」
為咗BB戒口、唔出街留喺屋企養胎、調整所有生活習慣，媽媽真係唔易做！
(綜合報道/IG)
