今次是兩人首次合作拍劇，不過原來他們第一次相遇是在Ben入行前，Ben曾經在地鐵見到當時仍是模特兒的她，Ben憶述：「大概喺十八年前，我哋嘅第一次相遇，就係喺地鐵車廂入面，我覺得我同你嘅相遇就好似《幾分鐘的約會》嘅歌詞裏面男女主角一樣，所以我今日錄番呢首歌送畀你，希望你鍾意啦。」
無綫劇集《再創世紀》今晚大結局，劇中周勵淇（Niki）與袁偉豪（Ben）飾演情侶，可惜Ben最後被殺，認真慘情。
雖然劇集中兩人要離別收場，不過日前兩人就到了赤柱一邊食住雞蛋仔一邊漫步「拍拖」以彌補在劇中的遺憾！Niki表示這跟她平時的拍拖生活差不多：「係食吓雞蛋仔、餵吓男朋友、行吓赤柱咁，簡簡單單其實係幾開心㗎。」至於Ben就喜歡駕駛電單車：「其實我嘅生活一啲都唔奢華，好貼地，鍾意去啲見到街坊嘅地方。」
除了唱歌，他們還翻拍陳百強《幾分鐘的約會》的MV，搞笑得來又浪漫。Niki笑言拍劇時對方也有跟她提起地鐵相遇這件事，但Niki完全想不起來，Ben笑住埋怨：「我同佢打晒招呼，佢點晒頭都唔記得咗嘅……你話晒都係當年嘅女神吖。」
視Niki為女神Ben續說﹕「你知唔知我今日為咗呢個job，我幾早起身呀？我約你兩點，我八點就起身啦！因為朝早喺度碌塊面囉，要碌番啲水腫。」氹到Niki哈哈大笑。
(on.cc)
