提到憑劇集《再創世紀》入圍華鼎獎最佳女配角，Niki自言以平常心面對：「好開心，會繼續努力。（睇好拍檔郭晉安？）睇好，佢不嬲都係視帝級，如果佢攞獎都戥佢開心。」她透露已度期出席，但未想好戰衣，笑指自己不是性感路線，會配合場合以莊嚴為主。
藝人周勵淇（Niki）三年前與30歲徐正曦拍拖兩年，最終因性格不合、長期分隔兩地導致分手。
今日Niki到觀塘出席珠寶活動，竟然現場有人向Niki跪地并獻上99支玫瑰，場面又驚又喜！
笑到見牙唔見眼！
原來係主持人許文軒代表公司獻上99支玫瑰，現場人士即起哄要他下跪，場面搞笑！受訪時，Niki笑言覺得心亂多過浪漫：「好尷尬！跪低好似做錯事咁，男兒膝下有黃金嘛。」
至於心目中的求婚方式，她坦言如果一班朋友搞驚喜，她可能會直接離場：「兩個人好sweet咁講心底話就得，成班人好似玩咁。（要有花？）冇乜所謂，鑽戒大細都係。」問到可有結婚衝動？她表示在戲中演得太多已沒甚衝動：「之前拍廣告要我有新娘子嘅喜悅，我話我未做過，淨係可以演繹，到真嗰時簡單啲從心就得。」
(綜合報道 / on.cc)
