名媛楊張新悅（Nicola）孖住老公楊哲安出席香檳品牌活動，三個月前才生完的她，現場所見她已火速修身。
她透露最近為催乳及紮肚用品代言，紮了20天，而每天需要紮10小時，笑言戴上腰封似足機械人行動不便，連食飯都要跪住食！她說：「補咗兩個月，呢個月其實冇乜食嘢，加埋少少腹部運動。反而老公肥咗，食晒我唔食嘅飯！」
第四位小公主Lola大個咗好多喇！肥肥白白好可愛！
談到活動主題，Nicola自言喜愛品酒，直言是當媽後唯一消遣：「我同老公平時會等小朋友瞓晒，就會開支酒飲。有時老公返嚟見我開咗酒，就知我嗰日唔好惹，哈哈！飲酒可以減壓，自己好鍾意飲香檳，飲完好high，傾心事就要飲紅酒。」
(張新悅 facebook / 綜合報道 / on.cc)
