藝人卓韻芝（阿芝）昨晚舉行婚後首個棟篤笑，完騷後接受訪問，她自爆今次是自開騷以來最緊張的一次，問是否因為老公梁子賢坐於台下？她甜絲絲說都有關，加上婚後象徵進入人生另一階段，然後自爆改講稿改至上午7時多。
阿芝在台上表示不敢生B，問到是否早已同老公達成共識？她表示其實沒有認真談過這個話題：「如果因為生B而唔番工，做唔做到呢？生B呢件事有好多嘢要考慮，暫時都係想享受二人世界先。」
又提到對今次這個棟篤笑很期待，可是又想快點完結：「我哋仲未去度蜜月！諗住完咗場騷，佢又做完手頭上嘅嘢就去，開完騷最重要係訂機票！（會去邊到？）會去阿根廷，都要搭兩次長途機，真係考驗我同佢。」
阿芝又講到結婚當日為了氹婆婆開心，特意穿了裙褂進行斟茶儀式，但沒想到婆婆覺得打麻雀更重要，抵死笑話年老絕對有好大優勢：「如果佢唔係80歲，係18歲咁打橫行，跪喺度嗰個係佢！」不過阿芝都大讚婆婆是一個活在當下、自由意志又夠強大的人，間接用婆婆活生生的例子帶出「不要恐懼將來，應熱切期待」訊息。
阿芝又講到父母離婚的時候，媽媽一怒之下撕爛所有全家福，唯獨有一張因爲好鍾意就冇撕：「嗰張係爸爸企中間，媽咪就想我搵方法『執走』爸爸，但當時科技未做到，咁我就一直都唔得咗呢件事，直至最近搵嘢搵番張相出嚟，就覺得媽媽嘅遺憾變成我嘅遺憾。」
阿芝一直與婆婆相依爲命多年，結婚後更承諾婆婆以後會三人行，她與老公會陪伴著婆婆。
（綜合報道 / on.cc）
