【除咗阿嬌賴弘國】仲有佢哋同期入紙結婚！

藝人鍾欣潼（阿嬌）同台灣「醫界男神」賴弘國今年5月，喺美國舉行百萬浪漫婚禮。

而佢哋都會於12月再喺香港擺酒，邀請之前冇去美國出席婚宴嘅賓客，到時一定星光熠熠！

二人日前正式入紙排期註冊，其擬結婚通知書亦終於曝光。

見到阿嬌用本名鍾嘉勵入紙，賴弘國報稱嘅地址係喺台灣，而阿嬌就係用香港住所地址，唔知佢哋婚後仲使唔使遠距離戀愛呢？

另外入紙排期註冊嘅，仲有歌手林師傑同女友歐陽巧瑩！

佢哋拍拖四年，將會喺11月23日正式拉埋天窗。

二人申報嘅地址一樣，已經過緊同居生活。

(on.cc)