郭富城（城城）同方媛結婚之後甜甜蜜蜜，仲試過被捕獲喺街頭錫錫，真係超恩愛！
愛女Chantelle更係萬千寵愛在一身。
每次一提到囡囡，城城都會笑得特別Sweet，成個冧樣出哂嚟！果然係爸爸嘅前世小情人呀～
之前傳出城嫂再度有喜！有指城城喺囡囡嘅生日派對上，同好友分享話「雙喜臨門」～城城當然勁開心啦！
而今日係城城嘅生日，城城經理人小美喺社交網上載昨晚為佢搞慶生派對嘅相，十分熱鬧！
城城下午亦有在社交網站上載生日相，並留言表示：「非常感謝大家對我的祝福與支持，我會繼續努力做一個更優秀的自己來答謝你們！」
而城嫂方媛當然都有到場，仲有老友張智霖、沈嘉偉等等。。。
相中見到方媛黐實老公，繼續遮肚，睇見都覺得好Sweet啊！不過相中就似乎未見囡囡身影，唔知係咪喺屋企呢？
小美留言：「祝Aaron 1026生日快樂。身體健康。心想事成。所有的願望都成真。工作順利。一家人幸福圓滿。團隊們、好朋友們，很開心一起分享一個充滿笑聲和祝福的晚上。Wishing all of us all the best and have a wonderful night！」
(綜合報道/on.cc)
