阿嬌鍾欣潼同賴弘國參與拍攝嘅大陸真人騷《爸媽學前班》。
今集喺測試遊戲中，兩人需要選擇人生中對自己最重要嘅人，阿嬌揀咗爺爺、媽咪、細妹、表姐、拍檔阿Sa，同未婚夫賴弘國。如果只可以揀一個人留低，咁會點揀呢？阿嬌揀咗同佢一齊大嘅表姐，賴弘國就揀咗阿嬌。
揀表姐唔揀老公（未來）留低，阿嬌話因為同表姐一齊長大，同甘共苦，經歷過好多：「父母沒有過多的照顧過我們，就只有我們兩個人相互照應。」
賴弘國唔揀屋企人而揀老婆（未來），佢嘅解釋係：「我非常愛我的父母和兄弟，而老婆會是那個和我過一輩子，攜手一生的愛人。」即係阿嬌先係最重要。
雖然賴弘國做咗一件咁令人感動嘅事、又講出呢啲咁動人嘅說話，但喺決定留低邊個之前，阿嬌同佢講：「不是我沒關係，我留下的也不是你。」賴弘國即刻話：「沒有，是你，我最後留的是你。」
之後嘅「共建安全島」實驗，心理學家要求阿嬌拎一件令自己有安全感嘅物件，阿嬌揀咗單車，仲邊講邊喊：「以前在爺爺家，在偏遠的地方學自行車，找到小時候的感覺，非常懷念。長大後因為工作繁忙，沒有花太多的時間陪伴爺爺，這是自己心裡的遺憾。」
實驗結果，心理學家話阿嬌係一個對自己要求太高、甚至對自己有啲苛刻嘅人，應該要學習放鬆。都幾中喎！
最後賴弘國講到二人相遇嘅經過，「她自己一個人，我的工作也是自己一個人，常常飛來飛去的，遇到的時候就是互相瞭解彼此的孤獨感，後來才慢慢的走在一起。不管我們兩個的原生家庭怎麼樣，接下來最重要的就是我們自己組成一個好的原生家庭，讓小孩子成長。」至於阿嬌冇揀最後留下佢，賴弘國說：「最後留下誰，我留下我老婆，你最後留下的是你表姐，了解彼此的孤獨感…我覺得，就是互相分享彼此的孤獨。」
一眾參加者分享籌備婚禮最頭痛嘅事，阿嬌話：「我們沒有這個麻惱，反而請了一家婚宴公司之後，就煩了。」賴弘國話：「到婚禮前一個禮拜發現，餐桌的盤子椅子甚麼，顏色都沒有選，所以我在看診的時候、她在巡迴演唱會的中間，我們還要選盤子的顏色。她（阿嬌）唱完打給我：『快點！我們還來不及選！』」
賴弘國嬲嘅唔止咁，最嬲係…婚宴公司講錯嘢……「名牌也要印，因為那個人經常跟我說，『因為這次我們來不及印名牌，我們寫上去。』我就發火了：『這一次來不及，難道還有下一次嗎？真哇！氣死我！」
(Apple daily)
