37歲胡定欣曾兩奪無綫最佳女主角，雖然事業得意，但愛情路上就唔係太順利，除咗早年同過吳浩康、馬國明拍拖，近年同音樂人陳明道撻著，可惜未能開花結果。
定欣同陳展鵬喺前年拍TVB劇《城寨英雄》開始傳緋聞，當時兩人似乎係曖昧中，成日都被捕獲到出雙入對，不過最後陳展鵬情歸單文柔。
最近又被傳同張振朗撻著，不過二人都否認此事。
胡定欣今日在網上公布喜事，佢PO咗張過大禮嘅相。。。
原來係定欣細佬結婚過大禮～佢好替細佬開心，更喺IG Story PO咗片，畫哂心心留言：「大個仔 過大禮」。
其實定欣甚少公開家人嘅相，之前佢喺IG PO咗同細佬嘅合照恭喜佢畢業！定欣話：「呢位人兄細個唔讀書，懶到岀晒汁，阿媽教到就黎（嚟）嘔血。廿幾年後就黎（嚟）同我講…『家姐，我想讀返（番）個學位，拎返（番）張證書。』……跟住個兩三年佢就日頭返學夜晚返工。今日，佢終於畢業了！！細佬，我想話呢張證書並唔係為左（咗）父母，係為你自己！！係用你份努力堅持得返黎（嚟）！！恭喜您，你做到了！！ 佩服佩服！！」
網民見到之後都送上祝福，仲恭喜定欣榮升大姑奶！有啲網民就問幾時先輪到定欣結婚？希望定欣都快啲搵到自己嘅Mr Right啦！
(綜合報道/IG)
