陳茵媺（Aimee）同陳豪出咗名係恩愛夫妻。婚後講明鐘意大家庭，先後誕下兩子一女。孻女孻心肝，佢哋都超錫小公主！
Aimee不時都會喺IG PO下同仔女嘅溫馨合照，一家五口幸福美滿。
不過近日有指陳豪為咗生第四胎，決定留喺無綫，就算古天樂、蕭定一重金禮聘招佢過檔，都不為所動！係咪生第四個B就未知，但佢愛錫家人就係人都知！
呢日佢太太陳茵媺喺社交網上載兩張相，見到陳豪為咗貼近囡囡Camilla，完全唔介意踎低，一副慈父樣咁望住小情人，真係甜到漏！
個冧樣出哂嚟！
連茵媺都留言話：「Finally some daddy time! （同爸爸一齊嘅時光），仲忍唔住tag「lookathisface」叫大家睇吓陳豪個樣，網民都大讚「so sweet」，就連視后胡定欣都留言話想同佢玩呀！
(綜合報道/on.cc)
