另一個緣份就係其實呢套劇林峯都有份做，不過當時又唔覺佢哋好friend，仲傳過佢哋因為爭唱傳主題曲而鬧不和，最後林峯爭贏咗，負責唱主題曲，而周勵淇同任賢齊就合唱片尾歌。
昨日周勵淇突然喺IG上載一張頭貼頭嘅合照，宣佈收咗林峯做「契弟」，佢留言﹕「我來介紹，他是我的弟弟。我有一個姐姐一個哥哥，我是家中排行最細的。從小到大我都希望有一個妹妹或者弟弟，現在有人自投羅網做我的弟弟，那好吧，我收你為弟弟#弟弟。」
其實佢哋差唔多年紀，大家都係1979年出世，Niki係8月出世，而林峯係12月，所以就做咗契細佬。
唔少網民都留言讚好，但亦有人話「浪費咗」，乾脆叫佢哋「在一起」，可惜林峯現在已經有位大陸模特兒女友張馨月，所以與Niki只能當姊弟。
(綜合報道/Apple daily)
