潘燦良同蘇玉華拍咗拖22年，男友曾自爆喺日本雪地求過婚，當時蘇玉華感動到喊晒，而且求婚唔只一次，蘇玉華都有答應，不過潘燦良坦言話一直都未有動身去完成婚事：「結婚的儀式是絕對可以做的，不過或許我們雙方都比較懶，不時會想結婚的，但隔一陣子便會放下了。加上我們覺得現在的狀況很好，大家都認定對方是餘下來人生的另一半，對我來說她已是我的家人。」
兩人拍拖22年，至今仍然非常甜蜜。能夠維繫感情這麼久，潘燦良表示除了背景相似，性格上能互補不足也是原因之一：「性格合得來的意思並不是個性相似，我跟她是完全不同的。我比較柔弱，又比較保守穩重一些，但她就是比較勇敢、開放一點，我們一凹一凸。」
蘇玉華噚晚突然喺社交網留言寫道︰「這是值得記（紀）念的一天。」此留言一出，唔通佢同潘燦良有喜事，要結婚？
蘇玉華唔少好友紛紛留言祝賀佢，好似甄詠蓓留言︰「唔知乜事，恭喜咗先。」另一位好友楊英偉留言問︰「答應結婚？」有朋友就回應話︰「不是一早答應了嗎？」連韓馬利都留言︰「一定係值得開心高興的日子。」
不過蘇玉華就未有作出回覆。
問佢係咪結婚？蘇玉華就回應傳媒話︰「哎吔，唔係你哋諗嘅嘢，（咁噚日係咩日子，咁值得紀念？）唔講得住，（咁係唔係結婚呀？）唔講啦，遲啲會同大家講。」咦！究竟係咩呢？
(綜合報道/Apple daily)
