自認係「虎媽」，小提琴、游水、網球、芭蕾舞和鋼琴都要學，更嚴格要求兩個囡囡晚上7點就要瞓覺，兩夫妻每晚就可以有時間獨處，佢話：「孩子是我們的一部分，但不是全部。」
呢位「虎媽」同舒淇、林心如係好姊妹～佢哋三個時不時都會聚會曬合照添！
三位都係索爆人妻！有兩個已經做咗靚媽，唔知幾時輪到舒淇呢？
之前參演過唔少港產片，其中喺《賭俠大戰拉斯維加斯》入面色誘劉德華呢一幕就最令人印象深刻。不過2011年佢結婚之後就漸漸淡出演藝圈，專心相夫教子，夫妻二人育有7歲女兒「心心」楊若妤、4歲「蜜蜜」楊晨熙，一家四口幸福美滿。
香港人之前追睇《延禧攻略》，台灣女星林熙蕾兩公婆就睇《如懿傳》，不過原來林熙蕾不嬲都唔追劇，當初只係因為衝著愛周迅，男主角霍建華又係閨蜜林心如嘅老公先睇。
直到睇完大結局，忍唔住鬧霍建華：「這個男人真的太爛了！下次我看到他可能要揍他一拳吧，不，我真的不知道要怎麼正眼看他！」
講到教女，林熙蕾就自認係「虎媽」，佢嚴格要求兩個囡囡晚上7點就要瞓覺，而兩夫妻每晚就可以有時間獨處，她說：「孩子是我們的一部分，但不是全部。」結婚7年仍保持熱戀，老公楊晨笑笑口咁話：「好像昨天才開始談戀愛。」真係超Sweet啊！
心心和蜜蜜小提琴、游水、網球、芭蕾舞同鋼琴都有學，但唯獨冇補習。兩個囡囡喺屋企係咪成日都爭寵同事事都要公平？林熙蕾立即表示：「沒有公平，這個世界本來就不公平。她們會互相吃醋，會打架會吵架，但到最後還是愛得要死。」
兩個女兒個性南轅北轍，心心外向、大方、天真，訪問中不時跳來蹦去，挑戰媽媽脾氣極限；妹妹蜜蜜似隻貓嗲爸爸，大眼睛不停觀察人，她慢熟、內向。林熙蕾話喺蜜蜜身上見到自己影子，不過結婚後好多朋友話佢變得冇咁拘謹。
楊晨話自己做咗爸爸患上「不理智症候群」，見到有小男孩拖女兒手仔或者特別親熱，佢就覺得好反感同好嬲，甚至吐出「想把他殺了」這句話。楊晨仲舉例，有次有個機靈4歲小男孩明顯對蜜蜜有好感，居然還懂得拍「岳父」馬屁，叫佢做「蜜蜜把拔」。
咁囡囡幾歲開始先可以拍拖？楊晨直接講：「最好不要，我知道不可能，但如果在我眼底，我會盡量去保護她們，希望她們可以跟爸爸享受第一次喝酒醉的感覺，而不是跟第一個男朋友」。
(Apple Daily)
