郭晉安與歐倩怡於2006年結婚，婚後誕下一子郭令山和幼女郭以雅，結婚12年恩恩愛愛，一家四口幸福美滿，媒體不時都會影到郭晉安親自接送仔女返學放學，果然係廿四孝老公同爸爸！
早前開學就捕獲到安仔湊一對仔女放學~
雖然安仔之前講過曾經出現過婚姻危機，見面時間少感情變淡，更因為湊小朋友而令夫婦間話題減少，不過幸好經過兩人努力挽救後，總算雨過天青。
安仔唔使開工嘅時候，就會揸車接一對仔女放學，而太太歐倩怡就一邊照顧仔女、一邊好勤力咁進修，佢最近修讀緊營養學學士學位課程，要同時兼顧真係咪話唔難。
不過今日有周刊報道，安仔日前完成工作後，單獨揸車去咗尖沙嘴一間酒店，之後戴晒口罩入咗一間芬蘭浴室，大約逗留了個半小時後先離開！報道仲話呢間浴室有提供特別服務，所以佢先要提高警覺。
安仔今日回覆傳媒，佢話：「本人就今天周刊報道感到十分憤怒，因為有損個人的人格及聲譽，對並非事實的報道，不會回應，並已交給律師處理。謝謝！」
(綜合報道)
