資深老戲骨羅樂林早前因爲在24小時內TVB劇集《布衣神相》、《洪武三十二》、《女拳》及《皆大歡喜》和《七號差館》這五部劇中連死5次，成爲香港娛樂圈一時佳話，此後更被國外爭相報導，紅遍歐美，頓時成為「國際新聞人物」，被稱為「一個男人的死詩」。
在每晚播映的《愛回家之開心速遞》飾演龍敢威，「大龍生」形象深入民心。
藝人羅樂林早前慶祝70歲大壽，正日與家人食飯慶祝，而前一晚他獲三個女為他大搞驚喜派對，邀請了接近六十人陪伴他慶祝生日，就連前妻陳寶儀同寶儀家姐陳寶珠都有前來到賀。
蔡少芬都有到場！
前妻陳寶儀 (最前)
女婿陳志健（左起）、大女、羅樂林、二女、陳寶儀、羅苡之
羅樂林感動到全晚喊足三次。細女羅苡之表示以往都是一家人食飯慶祝，但後來覺得七十歲是一個值得紀念的日子，所以與家姐決定搞點新意思﹕「已經構思咗半年，正式就籌備咗兩、三個月，又要搵地方、設計場地、邀請卡同餐單。我哋又要聯絡佢嘅舊朋友……」
今年有三個女搞驚喜派對同佢慶祝70嵗生日，全晚喊足三次。
她續說：「因為唔可以畀爸爸知道，所以有啲人係搭上搭先搵到電話，有啲仲專登由內地過嚟出席。（有冇送禮物畀爸爸﹖）冇喇﹗呢個Party已經都搞到我哋心力交瘁。（爸爸有咩反應﹖）佢先係呆咗，跟住喊，佢全晚喊咗三次，冇諗過佢咁大反應。今次真係好成功，超額完成，之前一直擔心會穿煲。」
雖然羅樂林早年與太太陳寶儀離異，但至今仍保持良好關係。
他接受傳媒訪問時表示：「我都冇諗過搞咁大，只係諗住十個八個親人食餐飯，點知個女搞咁大，都嚇咗我一跳，真係有啲手足無措，喊咗三次！好似蔡少芬，佢當年第一部劇同我拍，佢叫我爹爹，佢都好有心！（同已離婚既寶儀關係仲好好？）我哋冇分開住，都係同一屋詹下，大家相處得好好，有大家空間！人生簡單是福，最緊要大家開心、健康！」
前妻陳寳儀 (最左)
(綜合報道 / on.cc)
