佢表示：「呢套劇我豁出去，監製搵我果時話個角色係王君馨死黨，樣子騎呢，我話我唔介意，橫掂都係，我做得騎呢啲！好期待套劇出街，好有挑戰性，其實我忙做主持之外，都好鍾意做演員。」
Fanny回想拍攝劇集時，當時粗身大細，佗緊BB五個幾月，都驚大住肚拍會影響角色，但劇組上上下下都對佢好好。
藝人李漫芬（Fanny）有份演出即將播出嘅台慶劇《是咁的，法官閣下》，戲中Fanny飾演一名律師，係王君馨好朋友。
同香香合照
Fanny話：「監製搵我，我話大肚喎，會影響角色嗎？佢話唔會，因為律師都可以大肚嘛。劇組好照顧我，未埋位時，就叫我坐低同換平底鞋。」
佢仲自爆拍攝時嘅趣事：「有一套西裝要連戲，我第一次拍係扣到鈕，點知補拍時已經扣唔到，要用扣針扣，哈哈。另一次係公司盆菜宴當日要拍攝，我就早啲返去化呢個妝，再去食盆菜，在場啲人唔認得我，呢個造型仲帶畀我好運，我抽中獎，好開心。」
最後都能夠順利拍攝，而家Fanny應該過緊一家三口幸福生活添！
（綜合報道 / on.cc）
