歌手張敬軒（軒仔）出席總決賽開幕禮。
軒仔稱也有打機，但遠不及詩雅專業：「佢會同公司嘅電競隊切磋，但我係入門級，我上網打機唔會畀人知，我會用化名，因為我打得好渣，我睇熱鬧多。」
問他不是做幕後功臣居多嗎？早前為BOYZ演唱會做顧問的他坦言：「做幕後有做幕後快樂，有時做得幕前耐，做幕後可以學到多啲嘢，而且做藝人有時會畀人湊慣咗。見到佢哋個演唱會咁成功，我好戥佢哋開心，希望佢哋快啲喺紅館開騷。（你到時再幫手？）睇時間，唔撞工作冇所謂。」
對於關智斌（Kenny）在台上指軒仔是好緊要的人。
軒仔笑言：「（好緊要的人）之一，演唱會每個工作人員都好緊要，重要已經好好，好滿足，唔一定要做「最」嗰個。（你會點形容佢？佢對你都好緊要？）緊要嘅，我都唔係咁輕易請得出山。呢個騷對佢哋好重要，佢哋個騷對香港樂壇好重要，因為係好多人嘅青春。我哋嘅存在價值係對某啲人某個時代，大家都係大家重要嘅人。」
(on.cc)
