鄭敬基想不到自己和媽媽會成為苦主。85歲的鄭媽媽和好多香港僱主一樣，沒料工作了十六年的印尼藉家傭，原來是賊。又反遭對方投訴剋扣工資，驚動駐港印尼領事館介入，鄭敬基惟有報警備案。
他無奈表示：「真係冇諗過有咁嘅經歷，經過今次之後，真係『防傭之心不可無』。」
「點解要講出嚟，因為好多老人家，好似我媽媽咁樣，係好好心地，會好信任工人姐姐，甚至將佢當係親人，但咁信任佢，點知原來呢個人會呃佢，甚至偷佢好多嘢。」
而太太Angie在旁亦覺得印傭好狼：「一係唔攞，一攞就攞晒。」
這位65歲印傭Tini，原定今年十月退休返印尼，就在她臨走前兩個月，突然中風送院，她多年偷竊僱主財物的事，亦由此被揭破。
鄭敬基太太說:「因為佢都已經65歲，我哋都好緊張，想即刻通知佢屋企人，喺醫院時佢唔郁得又講唔到嘢，講唔到聯絡家人同朋友方法，於是唯有返屋企，搵下佢有冇電話簿或匯錢嘅單，盡力搵到聯絡佢家人嘅方法。點知俾我哋發現佢收埋媽咪嘅玉配同一堆當票。」終於發現家傭偷走鄭母多件首飾珠寶去典當。
因家傭借到一身街數，追數佬追到上門，連累鄭媽媽被騷擾，加上揭發其偷竊惡行，鄭敬基決定報警。不過鄭母顧念僱傭十六年之情，最後選擇不起訴，只贖回被偷的失物及終止雙方合約了事。不過惡行曝光後，印傭Tini對放她一馬的鄭敬基一家，反應竟然是以怨報德。
Joe表示：「所以叫大家提點吓，工人同工人之間會對調啲嘢去當，我阿媽都係第一次去當鋪贖番啲嘢，佢驚畀人認得，所以戴咗副好大嘅太陽眼鏡去。」他亦謂媽媽現時去了多倫多放假，有妹妹陪住：「等佢平復吓心情，佢都話之後唔想再請工人。」他又透露現年85歲的媽咪身體ok：「只係有啲腳退化，不過都估計佢今次唔見咗唔少錢。」
及後又發現家中有紅布木劍疑是落降頭物件。
鄭敬基指母親信仰堅定，從來不擔心「降頭」之事，而他一家依然為印傭姐姐祈禱，祝她悔改，早日康復：「嗰個『紅布木劍』，我哋畀番幫佢執嘢嘅朋友，佢哋見到都彈開咗，不過個中介話呢樣嘢係祝你『身體健康』啫。」
(綜合報道 / apple daily / on.cc)
