藝人陳小春同兒子Jasper因參加內地親子真人騷《爸爸去哪兒5》變得大受歡迎，Jasper不時賣萌、更表現暖男一面，真係超Sweet！即使節目已經播畢一段時間，Jasper依然好紅。
5歲Jasper依家學緊寫字，不過最先學嘅竟然唔係寫自己個名，而係爸爸個名。
唔知係咪因為陳小春三個字筆畫少啲呢？
今日小春就喺社交網PO咗仔仔嘅作品，睇起上嚟似模似樣，但被發現「小」字勾錯邊。
網友都話Jasper勾錯邊超可愛，非常逗趣，又話世界小孩都有勾錯邊的通病。
(on.cc)
【所有小朋友都有嘅通病】Jasper都唔例外⋯
