最近忙於同老公賴弘國（Michael）參加大陸真人show《爸媽學前班》嘅鍾欣潼（阿嬌）學做阿媽，要親自落手落腳下廚煮飯煲湯，但好似有點兒生疏，可能由於工作太忙，比較少時間煮嘢畀老公食！
阿嬌同老公參與節目《爸媽學前班》
阿嬌提及自己有一位照顧咗佢廿幾年嘅阿姨，不過呢位阿姨要退休返菲律賓喇，令佢都好唔捨得！佢喺社交網上載一張全家福，包括阿嬌媽媽。
照顧咗阿嬌20幾年嘅阿姨（右二）
阿嬌留言：「想喊~~Estella要退休番（返）菲律賓喇 好唔捨得！」 佢又叮囑阿姨萬事小心，仲話：「See you in December（12月見）」
發文一出，好多網民都身同感受，慨嘆20多年感情真係唔容易，雖然無血緣關係但就好似一家人咁！有人就問佢點解唔叫對方留低，阿嬌就話：「還番個人生俾（畀）佢。」又有網友笑言：「跟得你多有星味！」
（ig / 綜合報道）
