藝人陳展鵬及太太單文柔（Phoebe）本月13日結婚，昨晚於胡杏兒老公Philip在中環開設的餐廳大搞新婚Party，胡杏兒夫婦、馮盈盈、麥明詩、何雁詩、鄭俊弘、單立文等近百圈中、圈外朋友到場，相當熱鬧！
單文柔今日接受東網訪問，笑言玩得很盡興，但有「失策位」：「尋晚大家都好開心，唯一失策係冇安排攝影師影相，好多相都係啲朋友用手機影咗畀番我哋。」
讚胡杏兒夫婦Nice
談到在Philip餐廳搞派對，單文柔大讚他與太太胡杏兒都非常Nice：「佢哋好好，落咗嚟留到最後先走，個布置仲係杏兒幫我哋整，真係好靚，最特別係安排咗一隻放咗酒嘅海盜船，點上有火花嘅蠟燭，好有氣氛。搞Party最好嘅地方係冇限大家幾時嚟、幾時走，有朋友今日清晨五點飛北京，都特登嚟見一見我哋，真係好開心。」
(on.cc東網)
