胡諾言同陳琪先後生咗兩個女，前年終於追到個仔，一家人都好開心。噚日係囝囝Jayden嘅兩歲生日，胡仔帶埋屋企人去番禺長隆度假。
胡仔仲獻出第一次，佢話﹕「我哋一家人第一次坐高鐵，真係估唔到咁快。因為小朋友讀國際學校，呢幾日放假，所以就同佢哋去break一break，以前我拍嘢就成日去長隆，一家人就真係第一次，好好多啱小朋友玩嘅嘢。」
問到送乜畀囝囝做生日禮物，佢話﹕「第一次親手整蛋糕，原本以為自己會雞手鴨腳，但原來自己都好有天份，整咗個熊貓，好開心。」有乜心願？佢笑笑口話﹕「我都希望佢身體健康，冇病冇痛開開心心一日，最重要食得、玩得、瞓得就係我對佢最大心願。」
(蘋果日報)
