先後生咗3個囡囡，婚後一直相夫教女，過少奶奶生活。雖然已經50歲，但睇相見佢化淡妝個樣都保養得相當好。今次專登返香港。。。
去年5月離開咗效力43年嘅無綫前金牌監製潘嘉德(德哥)喺中環一間酒家擺70大壽壽宴，花旦小生空群出動外，好多圈中幕前幕後好友紛紛到賀，包括汪明荃、林峯、吳卓羲、馬國明、陳鍵鋒、陳慧珊、胡杏兒、宣萱、周勵淇、楊怡同老公羅仲謙、謝天華、梁舜燕、李克勤夫婦、李添勝、陳國邦同羅敏莊、陳智燊同老婆宋熙年等等，另外仲有德哥1975年無綫藝員訓練班同學杜琪峯、談泉慶、賴水清、劉仕裕同黃建勳等，場面熱鬧過無綫台慶(相關新聞: https://goo.gl/1bD4ov) 。
原來古天樂同離開咗娛樂圈21年嘅張鳳妮(鳳梨)，噚晚都有出席德哥壽宴，據知古仔只係逗留咗半個鐘就匆匆離開，但期間都有上台同德哥傾偈。
至於嫁咗去馬來西亞多年做少奶奶嘅鳳梨，87年選完港姐之後加入無綫，先後拍過《餐餐有宋家》、《天地男兒》等劇，但最經典嘅，當然係同周星馳、萬梓良拍《他來自江湖》，劇中佢演嘅忽得妹阿娟，真係好入型入格。
不過，鳳梨97年為無綫拍完《苗翠花》之後已經淡出演藝工作，佢喺98年尾嫁俾馬來西亞富商傅仰峰之後，喺吉隆坡定居，先後生咗3個囡囡，婚後一直相夫教女，過少奶奶生活。
雖然鳳梨已經50歲，但睇相見佢化淡妝個樣都保養得相當好。據知鳳梨今次專登返香港賀德哥70大壽，認真有心。
(蘋果日報)
