由陳貝兒主持的無綫節目《嫁到這世界邊端2》，感動了不少網民，好多人都話睇到眼濕濕，而經歷過婚姻失敗的貝兒，也是集集喊，佢自嘲「喊到這世界邊端」。
在昨晚播出的第三集，講述一個港女毛毛為愛甘願養一個失業瑞典男友Johan 12年的故事，節目一開始就介紹毛毛在很年輕時就誕下女兒，沒多久就離婚，港男都嫌棄她的過去。
每當説到觸動處就含著淚水，一句話也説不出來。
後來她在網上結識了現在的老公，但老公在香港12年都找不到工作，毛毛一個人要養父母、女兒及老公，生活很困難，連婚戒都是買幾百元的貨色，但堅持終於守得雲開，現在Johan在瑞典可以撐起整個家，而毛毛終於可以做少奶奶發展自己的興趣。
一家人開開心心合照
貝兒都有感受過瑞典文化
網民看完昨晚播出的內容後，都關心毛毛的女兒有沒有跟母親到瑞典生活，而貝兒今日就喺ig親自解答，她透露毛毛的近況：「毛毛而（依）家喺瑞典生活幸福美滿，仲話等緊做毛婆婆。毛毛之後喺 live chat 都有講到，囡囡其實已經20幾歲，係一位教師，有自己嘅職業同埋自己嘅生活，拍緊拖，好開心好有成就。毛毛一年幾前離開香港移居瑞典嘅時候都有問過囡囡嘅意向，囡囡唔捨得香港嘅朋友同份工，所以選擇留喺香港，為媽媽送上無限嘅祝福，鼓勵媽媽繼續勇敢去愛。」
毛毛表示，當日失婚，到再遇到Johan，吃盡苦頭，全靠堅持捱過，加上有信仰支撐：「有把聲音同我講，只不過係一個考驗，冇理由做唔到。捱咗十幾年，一路見到老公好好。我離過婚，決定再結（婚），就一定唔會離。」她回想當年為何願為瑞典窮小子Johan付出：「我只係諗，假如佢係女仔，嚟到香港搵個男仔，我有責任照顧佢。」
主持陳貝兒都有同「新娘子」影相~
好多網民就留言表示「毛毛嘅愛同堅持真係好令人感動，祝福佢未來生活更安穩幸福」
貝兒好欣賞毛毛對愛情一份堅持，佢今日喺fb留言力撐毛毛同Johan：「一個男仔，要蛻變成長成為一個男人，可能真係需要時間。佢哋唔係唔成功，只係未成功。毛毛佢選擇相信，唔係因為見到希望佢先至堅持，而係因為佢堅持落去，所以佢見到希望。」
(綜合報道 / on.cc / apple daily)
